Неосновано е барањето за вонредно преиспитување на пресудата за случајот „Шпион“ каде првообвинет и осуден е Марјан Ефремов, а била поднесена од осудениот Миќо Насковски. Ова е пресудата на Врховниот суд, од каде посочуваат дека нема да се преиспитаат пресудите донесени од Кривичниот суд донесена пред девет години, ниту пресудата по жалба донесена лани.
„Судечкиот совет на Одделот за казниви дела при Врховниот суд на Република Северна Македонија донесе пресуда со која барањата за вонредно преиспитување на правосилна пресуда поднесени од осудениот М. Н., лично и преку неговите бранители, против пресудата на Основен суд Скопје 1 од 06.10.2014 година и пресудата на Апелационен суд Скопје КОКЖ.бр.97/21 од 22.03.2022 година, ги одби како неосновани“, велат од Врховен суд.
Кривичен суд му изрече четиригодишна затворска казна на Насковски за кривични дела измама и уцена. Со истата пресуда Марјан Ефремов е осуден на 15 години затвор за делата злосторничко здружување, шпионажа, измама, уцена.
