Бразилецот Нејмар се сели во Саудиска Арабија, а освен огромната плата ќе има и некои други придобивки од трансферот во Ал Хилал.
За двегодишниот договор ќе добие 160 милиони евра, но и од бонусите ќе има екстра приходи.
Нејмар за секоја победа на Ал Хилал ќе добива бонус од 80.000 евра, додека за секоја објава и „стори“ на социјалните мрежи во која ја промовира Саудиска Арабија ќе добива неверојатни 500.000.
Покрај тоа, на располагање ќе има и приватен авион и огромна куќа со персонал.
Во 2017 година Нејмар стана најскапиот фудбалер во историјата кога ПСЖ и плати 222 милиони евра на Барселона.
Бразилецот постигна 118 гола со 77 асистенции на 173 натпревари за „светците“. За Барселона одигра 186 натпревари и постигна 105 гола со 76 асистенции.
