Рафаел Надал со еден загубен сет избори пласман во второто коло на Ју-ес опен. Женскиот дел од турнирот остана без бранителката на титулата, Ема Радукану.
Освојувачот на 22 Грен слем титули со пресврт го совлада анонимниот Австралиец Ринки Хиџиката со 4:6, 6:2, 6:3, 6:3.
Хиџиката, кој овој месец ја забележа првата АТП победа во кариерата, ја искористи опуштеноста на ривалот на стартот од мечот и го доби првиот сет со поддршка од трибините.
Откако го загуби првиот сет Надал се разбуди, кој возврати со фуриозна серија во вториот сет за 6:2, а потоа трпеливо во продолжение рутински направи пресврт за 2-1.
Надал брзо стигна до брејк во четвртиот сет, но Хиџиката не му дозволи да го заврши мечот максимално му ја отежни работата се до последниот поен.
Тој повеќе од три часа на теренот на стадионот „Артур Еш“ го држеше овогодинешниот шампион на Австралија опен и Ролан Гарос.
Актуелната шампионка на Ју-ес опен Ема Радукану веќе во првото коло го заврши своето учество во Њујорк. Радукану испадна од Французинката Ализе Корне со 6:3, 6:3.
Бранителката на титулата првпат е елиминирана во првото коло по 2017 година, кога на стартот испадна Анџелик Кербер.
Беа видени вкупно 11 брејка, Радукану водеше со 3:1 во вториот сет, но Французинката врзаа пет гема и оствари голем триумф.
На сите Слемови оваа сезона, Корне победи најмалку едена грен слем шампионка – Мугуруза и Халеп во Мелбурн, Остапенко на Ролан Гарос и Швјонтек на Вимблдон.
