Најмалку 11 лица загинаа денеска во пожарот што зафати одморалиште за лица со посебни потреби во источна Франција, соопштија властите.
Заменик-обвинителката на Колмар, Натали Килвасер, изјави дека 11 лица загинале во пожар што избувнал во куќата во Винзценхајм, во близина на Колмар, пренесува BFM TV.
Пожарот избувнал утрово околу 06:30 часот, додека лицата и нивните старатели спиеле во двокатницата.
Француската премиерка Елизабет Борн го посети местото на пожарот, јавува Ројтерс.
Одморалиштето во текот на летото го изнајмиле две добротворни организации, кои се грижат за лицата, јавуваат локалните медиуми.
Во куќата имало 28 лица, а 17 успеале да избегаат од пожарот.
„Неколку луѓе кои беа на првиот кат успеаја да избегаат, но повеќето од оние што излегоа беа на приземјето“, изјави за новинарите потполковник Филип Овилие.
Околу две третини од одморалиштето е уништено во пожарот.
Истрагата за причините за пожарот е во тек.
