Претседателот на СДСМ, Венко Филипче даде свој коментар на вчерашните случувањa на Комисијата за надзор на работата на АНБ, истакнувајќи дека и ВМРО-ДПМНЕ самите се свесни дека незаконски поставиле директор на АНБ.
„Вчерашната седница на Комисијата има две битни димензии, првата работа е дека очигледно ВМРО-ДПМНЕ се свесни дека незаконски поставиле директор на АНБ и затоа така и се однесуваа вчера, односно ако немаа што да скријат Комисијата можеше редовно да си заседава и директорот да одговори на сите прашања. Политизација на безбедносните структури е нешто што го имаше и во претходното владеење на ВМРО-ДПМНЕ“ рече тој.
Филипче упати и прашање до јавноста, односно до Бојан Христовски за неговата академска кариера.
„Очекуваме ОЈО да го расчисти овој случај и истовремено поставуваме прашање: Во која постапка и на кој начин со кои документи Бојан Христовски е избран за асистент на Факултетот за безбедност?“ праша Филипче.
