Бројот на милионери во земјите од групата БРИКС ќе доживее значително зголемување во следната деценија, што ќе придонесе за најголемо зголемување на богатството од која било меѓувладина организација во светот, се вели во извештајот на консултантската куќа Henley & Partners.
Бројот на милионери во земјите на БРИКС – кој се мери според паритетот на куповната моќ сега сочинува 31,7 проценти од глобалниот БДП, четвртина од глобалната економија и 40 проценти од светската популација – се предвидува дека ќе се зголеми за 85 проценти во следните 10 години.
Моќната групација БРИКС собира пет големи економии во развој, Кина, Бразил, Јужна Африка, Русија и Индија, на кои минатата година им се приклучија Египет, Етиопија, Иран, Обединетите Арапски Емирати (ОАЕ) и Саудиска Арабија.
„Прогнозираното зголемување од 85 проценти на бројот на милионери за БРИКС ќе биде најголемото зголемување на богатството од кој било блок или регион на глобално ниво“, изјави Ендрју Амолис, аналитичар во New World Wealth за ЦНБЦ.
За споредба, се очекува групата Г7 да го зголеми бројот на милионери за 45 проценти во следната деценија.
Г7 е коалиција на напредни светски економии, а ја сочинуваат Канада, Франција, Јапонија, Италија, САД, Велика Британија и Европската унија.
„БРИКС го предизвикува светскиот поредок и се етаблира како моќен ривал на Г7 и другите меѓународни организации“, вели управниот партнер на Хенли и Партнерс, Доминик Волек.
Индија го предводи патот во проширувањето на богатството, со проценет скок на богатството по глава на жител од 110 отсто до 2033 година, по што следи Саудиска Арабија, за која се предвидува дека ќе го зголеми богатството по глава на жител за повеќе од 105 отсто во истиот период.
ОАЕ се подготвени за раст од 95 отсто, додека богатството на Кина и Етиопија се очекува да порасне за 85, односно 75 отсто
