За да купите Bugatti и да го одржувате потребни ви се милиони евра. Произведени се само 500 Bugatti Chiron. Ова ниво на ексклузивност има своја цена, не само при купување автомобил, туку и при купување резервни делови, пишува Motor1.
На пример, огласувач на германски eBay нуди комплет Valeo фарови за Chiron по неверојатна цена.
Компатибилни со верзиите Purе Sport и Super Sport 300+, овие LED фарови чинат 147.000 евра!
Со тие пари можете, на пример, да купите три VW Golf GTI, а сепак да ви останат пари за убаво и скапо семејно патување.
Продавачот се наоѓа во Полска, но со задоволство ќе ги достави фаровите на Chiron на потенцијален купувач од некоја од европските земји за дополнителни 1.000 евра.
Се нуди и испорака до земји надвор од Европа, но трошоците за испорака не се наведени.
Треба да се напомене дека фаровите се рекламираат како оригинални со ознака: 5B4941035C и 5B4941036C.
