Синоќа и утрово дел од бензинските пумпи не точат дизел гориво.
Екипа на 24инфо.мк и самата направи мала обиколка на неколку бензински пумпи низ Скопје.
На две бензински пумпи на „Макпетрол“ од страна на вработените беше кажано дека немаат дизел гориво, а на прашњето дали ќе стигне наскоро не дадоа одговор.
За разлика од „Макпетрол“, на „Лукоил“ се точи и дизел гориво како и останатите видови на гориво, а вработените уверуваат „дека не може да снема“.
Вчера премиерот Христијан Мицкоски кажа дека во државата има доволно од сите видови горива упатувајќи апел да не се создава паника.
Во меѓувреме, доста граѓани на социјалните мрежи се жалат дека тешко наоѓаат дизел гориво за да ги наполнат своите резеорвари.
