Авион на ирската авиокомпанија „Рајанер“ денеска удрил во цистерна за гориво на аеродромот во шкотската престолнина Единбург, поради што патниците биле евакуирани, соопшти портпарол на аеродромот, додавајќи дека при судирот не дошло до пожар.
„Беше страшно, пилотот преку разгласот се обидуваше да ја смири ситуацијата и да прикаже дека не е толку сериозна колку што изгледаше. Тие повеќе не можат да го користат авионот. Авионот штотуку почна да се движи кон пистата кога удри во цистерната“, изјави еден од патниците, пренесува порталот GB News.
Портпаролот на аеродромот во Единбург потврди дека дошло до „инцидент“, но ги негираше тврдењата дека судирот предизвикал пожар, додавајќи дека немало влијание врз работата на аеродромот.
