Фудбалерите на Рома, во дербито на колот во Серија А, славеа победа над Јувентус (1:0). Ова беше прв триумф на Рома, по 2020 година, во дуелите со „страта дама“.
Дербиот на „Олимпико“ го реши проектилот на Џанлука Манчини во второто полувреме.
„Кога играме тимски и кога играчите го даваат својот максимум, тогаш можеме да победиме секого. Играчите имаа добар пристап. Среќен сум за победата, но сепак сум незадоволен од изданието против Кремонезе”, изјави тренерот на Римјаните Жозе Мурињо, потсетувајќи на дебаклот во минатото коло, кога крмеонезе против Рома ја забележа првата победа сезоната во Серија А. Претходно Рома од овој тим испадна и од Купот на Италија.
Рома по победата над Јувентус стгна до четвротото место на табелата и до крајот на сезоната ќе бори голема борба со Интер, Лацио и Милан за пласман во Лигата на шампионите.
