Нов тренер на Наполи ќе биде Руди Гарсија, потврди шампионот на Италија. По десетдневни преговори меѓу претседателот на „наполитанците“, Аурелио де Лаурентис и 59-годишниот Французин, постигнат е договор за преземање на тимот кој минатата сезона ја врати титулата на југот на Италија по повеќе од три децении и стигна до полуфиналето на Лигата на шампионите.
Руди Гарсија следната сезона ќе ги предводи Елиф Елмас и соиграчите во одбрана на титулата во Серија А, како и во напад на трофејот во ЛШ.
Најголемото тренерско достигнување на Риди Гарсија е шампионската титула со тимот на Лил во 2011 година, кога го освои и Купот на Франција.
Французинот е запознат со состојбите со Серија А, откако таму веќе работеше како тренер на Рома од 2013 до 2016 година, а ова ќе биде негово големо враќање по седум години.
Последниот ангажман на Гарсија беше неуспешен. Минатата сезона имаше цел да го води Ал-Наср до шампионската титула во Саудиска Арабија, но во тоа не му помогна ниту доаѓањето на Кристијано Роналдо. Наместо трофеј, му беше љаден отказ на 12 април и оттогаш е без работа.
✍️ Rudi García è il nuovo allenatore del Napoli!
Benvenuto Mister 👋 pic.twitter.com/aYjOVpGDP9— Official SSC Napoli (@sscnapoli) June 15, 2023
