Кристијано Роналдо е подготвен да се приклучи на Наполи како позајмен играч, но договорот со „трампа“ за Виктор Осимен не зависи од двата клуба, туку од Ајакс и Антони, тврди „Ла газета дело спорт“.
Оваа недела се појави веста дека агентот на Роналдо, Жорге Мендеш активно бара клуб кој игра во Лигата на шампиони за Роналдо, со Наполи како најверојатна опција, но само доколку италијанскиот клуб се согласи да го продаде нигерискиот напаѓач, Виктор Осимен на „ѓаволите“. Јунајтед со договорот би ја плаќале високата плата на Португалецот.
Според „Газета“, Роналдо нема проблем да игра на „Стадио Диего Армандо Мараона“, а претседателот на клубот, Аурелио де Лаурентис сериозно ја разгледува оваа опција. Сепак, Јунајтед ќе направат официјална понуда само доколку не успеат да се договорат со Ајакс за трансферот на Бразилецот Осимен.
Тренерот на Наполи, Лучано Спалети вчера изјави дека секој тренер би сакал да работи со Роналдо, но не сакаше да шпекулира дали таков договор е можен.
L’intreccio che può portare Cristiano Ronaldo al Napoli: tutti i dettagli. Di @carlolaudisa #calciomercato https://t.co/rGUYlEUtQI
— La Gazzetta dello Sport (@Gazzetta_it) August 27, 2022
