Европскиот и француски шампион ПСЖ попладнево доживеа пораз во дербито од 14. коло на францускиот шампионат, откако Монако победи на домашен терен со 1:0.
Единствениот гол го постигна јапонскиот интернационалец Такуми Минамино во 68. минута. Последните десетина минути, Монако играше со играч помалку откако капитенот Тило Керер доби црвен картон.
Со оваа победа, Монако се искачи на шестото место со 23 бода, додека ПСЖ ризикува да го загуби врвот на табелата доколку Олимпик Марсеј или Ленс остварат победи во ова коло.
