Херојско спасување завршило во трагедија откако 19-годишно момче се обидело да спаси три лица на плажата Нептун во Флорида, на крајот давајќи го својот живот за нивната безбедност.
Михајло Мирошниченко исчезнал на морската граница меѓу Нептун и Атлантик Бич во вторникот вечерта околу 20 часот. Полицаец вклучен во потрагата пронашол тело за кое се верува дека е негово околу 02:30 часот во средата.
Семејството на младиот човек било информирано, а полицијата објави дека станува збор за украински државјанин кој се наоѓал во областа Џексонвил. Следната недела требал да го прослави својот 20-ти роденден.
„Го изразуваме нашето искрено и најдлабоко сочувство до семејството“, рече началникот на полицијата на Нептун Бич, Мајкл Ки.
„Сè што можам да кажам е дека тој се обидуваше да помогне некому во тоа време и тој бил прекрасна личност“, рече капетанот Рич Бенкс, кој го води Neptune Beach Ocean Rescue.
„Секогаш кога имаме ваква ситуација, наша работа е да влеземе и да ги спасуваме луѓето. И некако чувствувате одговорност кога не ги наоѓате и не можете да ги спасите. За тоа тренирате и тоа е срцепарателно“.
Инспекторите рекоа дека Мирошниченко бил на плажата во вторникот вечерта, кога сосема непознати лица западнале во неволја. Тоа се случило откако спасувачите ја завршиле смената, а тој притрчал да им помогне.
Наводно, Мирошниченко успеал да ја турне младата девојка кон нејзиниот татко за да може да ја грабне, но семејството кажало дека потоа го изгубиле од вид.
