Македонската фудбалска репрезентација ги одработува мини подготовките пред квалификацискиот дуел со Белгија. Нашата репрезентација работи во одлична атмосфера на комплекс терените на ФФМ.
– Знаеме против каква репрезентација играме. Веќе сме во последната фаза на квалификациите, а покажавме дека знаеме да играме фудбал и затоа се наоѓаме во ваква ситуација. Во моментов сме на првата позиција во групата и ако некој не запрашал претходно дали сакаме да се најдеме во ваква ситуација пред квалификациите, нормално дека бевме задоволни, но работата сè уште не е завршена. Знаеме дека не само овој, туку и последните два натпревари против Казахстан и против Велс се едни од најважните во поновата репрезентативна историја. Првиот натпревар е против Белгија, а знаеме против каков противник играме. Ги знаеме нивните слаби страни. Ќе имаме поддршка од нашите навивачи, знаеме дека ќе бидат во голем број, така што мислам дека ќе гледаат одличен фудбал. Белгија е одлична репрезентација, каде што деветдесет отсто од играчите играат во топ петте лиги. Но ние играме како тим, го докажавме тоа, изјави напаѓачот Бојан Миовски.
Нашата репрезентација утре патува за Белгија, а дуелот со фаворитот во групата се игра во Гент в петок со почеток во 20:45 часот.
