Македонсклата фудбалска репрезентација на почетокот од јуни ќе им биде спаринг-партнер на соодветните селекции на Хрватска и Чешка кои ќе се подготвуваат за настап на Европското превенство кое од 14 јуни до 14 јули ќе се одигра во Германија. Најпрво на 3 јуни „црвено-жолтите“ ќе гостуваат во Риека против Хрватска, а седум дена потоа во Храдец Кралове и на Чешка. За овие контролни средби македонскиот селектор Благоја Милевски денеска објави список од 27 фудбалери. На списокот се наоѓаат овие фудбалери:
ГОЛМАНИ:
Столе Димитриевски – Рајо Ваљекано, Шпанија, Дамјан Шишковски – Арарат, Ерменија, Игор Алексовски – Работнички, Дејан Илиев – Сараево, БиХ
ОДБРАНА:
Висар Муслиу – Падерборн, Германија, Тодор Тодоровски – Политехника Јаши, Романија, Никола Серафимов – Фехервар, Унгарија, Јован Манев – Адана Демирспор, Турција, Езѓан Алиоски – Ал Ахли, Саудиска Арабија, Бојан Димовски – Акрон Тољати, Русија, Ахмед Иљазовски – Хвидовре, Данска, Стефан Ашковски – Алашкерт, Ерменија, Ѓоко Зајков – Крајова, Романија , Дарко Велковски – Динамо Букурешт, Романија;
СРЕДЕН РЕД:
Енис Барди – Трабзонспор, Турција, Јани Атанасов – Краковија, Полска, Агон Елези – Бохум, Германија, Тихомир Костадинов – Пјаст Гливице, Полска, Давор Здравковски – Медервел, Шкотска, Елиф Елмас – Лајпциг, Германија, Исник Алими – Сепси, Романија, Димитар Митровски – Вараждин, Хрватска;
НАПАД:
Бојан Миовски – Абердин, Шкотска, Милан Ристовски – Бохемианс 1905, Чешка, Дарко Чурлинов – Шалке, Германија , Александар Трајковски – Хајдук, Хрватска, Лирим Ќамили – Хвидовре, Данска; Собирот на репрезентацијата на Македонија е закажан за 27. мај (12 ч) во Скопје.
