Утрински Весник
Македонија

Мицкоски: Времето на пораките „ќе средиме“ и „ќе се јавам“ е завршено

Mickoski 1.webp.webp

Во оваа држава нема веќе место за врски, непотизам и заштита од одговорност. Законот важи за сите – без разлика дали се работи за обичен граѓанин, функционер или бизнисмен. Силата на државата не се мери со привилегиите на поединците, туку со тоа дали правдата стигнува до сите – и до најмоќните, и до најмаргинализираните. Ние денес испраќаме силна порака: нема компромис со криминалот – порача премиерот Христијан Мицкоски на одбележувањето на Денот на македонската полиција – 7 Мај.

Тој порача дека граѓаните не смеат да заборават како изгледало секојдневието пред неколку години.


-Криминалците се шетаа слободно, државата молчеше, а граѓаните живееја со чувство на немоќ. Имаше време кога институциите се користеа како алатка за лични и политички интереси, а не за правда. Пораките „ќе средиме” и „ќе се јавам” беа погласни од законот. Но тоа време е завршено – рече Мицкоски.

Тој на одбележувањето му додели благодарница на министерот за внатрешни работи Панче Тошковски за за зачувувањето на редот и мирот и за зачувување на безбедноста.

Можете да прочитате

Ризвановиќ: Потребно е да се свика Советот за безбедност по предупредувањето на Мицкоски за подметнувања на пожари

Осумнаесет кандидати во трка за градоначалник на Скопје на локалните избори 2025

Во пожарите во село Крапа изгореле сите овци на локален сточар, граѓаните се организираат да му помогнат