Фудбалерите на Елче го надиграа Виљареал и славеа победа од 3:1 (2:1) во натпреварот од 20. коло на шпанската Ла Лига. Елче во 20.коло ја запиша првата победа оваа сезона во шпанскиот шампионат.
Јунак на изненадувачкиот триумф на домашните беше Пере Миља, кој постигна хет-трик и беше нерешлива енигма за „жолтата подморница“.
Првиот гол, Миља го постигна во третата минута, потоа најдобриот играчна Виљареал Џерар Морено го израмни резултатот, а Миља го постигна вториот гол во самиот финиш на привот дел.
По седум минути игра тој го комплетираше хет-трикот и стави точка на овој меч, многу пред неговиот крај.
Елче и понатаму е убедливо последен на табелата со само девет освоени бодови, додека Виљареал е на петтата позиција со 31 бод.
