Челниците на Барселона и Ла Лига одржале состанок во еден мадридски ресторан со цел да ја оценат можноста за враќање на Лионел Меси во шпанското првенство и каталонскиот клуб.
Барселона сонува за враќањето на Меси, но е во тешка финансиска ситуација, поради што и се одржал состанокот. Од Барселона сакале да дознаат од прва рака дали е реално Аргентинецот да се врати во Шпанија.
Во август ќе се навршат две години откако иконата на Барселона го напушти клубот и потпиша за Пари Сен Жермен. Неговиот договор со ПСЖ е со важност до крајот на сезоната и се почести се за негово враќање на „Камп Ноу“. Сепак целата операција е исклучително тешка за реализација бидејќи Барселона има финансиски проблеми.
На состанокот долг час и 15 минути, Барселона ја претставуваа спортскиот директор Матеу Алемани и Феран Оливе, финансискиот директор во клубот. Хавиер Гомез, генералниот директор на Ла Лига и Оскар Мајо, нејзиниот извршен директор, беа од другата страна на масата. Мајо прв си заминал, а по не го заминал и Гомез, а Алемани и Оливе останале во ресторанот уште два часа пресметувајќи што е потребно за враќање на Меси.
Иако Алемани подоцна рекол дека тоа бил „неформален ручек“, шпанските новинари истакнуваат дека ова го означува враќањето на Меси во дресот на Барселона. На клубот му требаше благословот од Ла Лига и се чини дека го доби, истакнуваат шпанските медиуми.
