Италијанската премиерка Џорџа Мелони изјави денеска дека е прерано да се одговори на прашањето за втор мандат на претседателката на Европската комисија Урсула фон дер Лајен.
„Сè уште собираме податоци за да го разбереме мнозинството“, изјави Мелони за италијанското радио RTL за резултатите од изборите за Европскиот парламент (ЕП).
Таа додаде дека изборните резултати го покажуваат барањето на граѓаните ЕУ да посвети поголемо внимание на десницата и дека Италија ќе има клучна улога во Европа.
