Мексико ќе лансира база на податоци на крајот на месецот што треба да помогне во собирањето информации за десетици илјади исчезнати лица, објави во четвртокот Федералното обвинителство (ФГР).
Регистарот треба да собира информации од неколку досиеја за масовни и тајни гробници, апсења, злосторства од мачење, криминални досиеја, отпечатоци од прсти и генетски материјал, објави ФГР во службениот весник.
Минатата година бројот на официјално исчезнати надмина 100.000, а сега тој број се проценува на повеќе од 112.000. Бројот на исчезнати се зголеми откако претседателот Фелипе Калдерон им објави војна на моќните наркокартели.
„Треба многу да се направи, а оваа објава е првиот чекор“, објави здружението за човекови права „Центро прод“ на „Твитер“.
Невладините ги обвинуваат јавните институции задолжени да истражуваат вакви случаи дека се неефикасни, бавни во реагирањето и недоволно финансирани.
Соопштението на ФГР доаѓа еден ден по Денот на мајката кога секоја година илјадници мајки излегуваат на улица и бараат вистина и правда за своите исчезнати деца.
