Основачот на SpaceX и најбогатиот човек на светот, Илон Маск, кој најпрвин им помогна на Украинците со активирање на системот Starlink, кој им дава пристап до интернет, а потоа го предизвика нивниот гнев со „предлогот за мир“, во кој предложи дека Крим треба да ѝ се даде на Русија, сега се впушти во бизарен разговор на „Твитер“ со Дмитриј Медведев, поранешниот претседател на Русија и близок сојузник на Владимир Путин.
Вчера, Медведев на „Твитер“ објави: „Збогум, Лиз Трас, честитки за зелената салата“ алудирајќи на вчерашната оставка на британската премиерка Лиз Трас, чие владеење во Британија се споредуваше со времетраење на главица зелена салата.
На тоа Маск одговорил: „ Доволно добро тролање, да бидам искрен“. Потоа го праша Медведев „како оди во Бахмут?“, еден од ретките украински градови во чија околина напредуваат руските сили.
Медведев му одговори: „Се гледаме во Москва на Денот на победата“.
