,,Јас можам едно да порачам после оваа изборна трка, особено после сето ова што се случи во Град Скопје, дека ние ќе се вратиме во Парламентот уште посилно. Сакам да порачам на сите шеесет илјади луѓе кои го дадоа гласот, следните две и пол години имате глас во Собранието. Јас ќе бидам вашиот глас, јас ќе бидам гласот на ова движење кое го создаваме. ВМРО – ДПМНЕ ќе добие уште пожестока борба од понеделник, а ние создадовме историја”, истакна кандидатот за градоначалник од Левица за Град Скопје, Амар Мециновиќ, на завршната прес – конференција од вториот круг на Локалните избори – 2025.
,,Ова ќе се памети и ова само ќе биде предвесник на она што можеме да го гледаме во иднина. Нашата желба за борба и нашата надеж нема да пропадне. Таа допрва ќе се буди и ќе се разгорува и Скопје ќе биде црвено”, додаде тој.
