Откако коалицијата Вреди официјално објави дека Изет Меџити ќе биде нивниот кандидат за градоначалник на општина Чаир, актуелниот министер за животна средина и просторно планирање се огласи на социјалните мрежи.
„Од срце – ви благодарам! Претседателството е повик што не можам да го одбијам! Претседателството е обврска што понизно ќе ја исполнам! За Чаир, се согласив да ја напуштам Владата и да се вратам меѓу мојот народ. Верувам и сум сигурен дека го направив вистинскиот избор. Затоа што луѓето од Чаир заслужуваат лидер кој бил, е и секогаш ќе биде меѓу нив, секогаш достапен да им понуди помош и поддршка. Победа. За Чаир. Нека биде за наше добро!“, напиша Меџити, порачувајќи ја пораката само на албански јазик.
Со ова, Меџити ќе ја напушти својата министерска функција за да влезе во изборната трка за прв човек на Чаир, најавувајќи директен ангажман и близок контакт со жителите на општината.
