Неготинец со мотоцикл „јамаха“ без регистрација загубил контрола и удрил во куќа.
Како што објави МВР, мажот го напуштил местото на насреќата, по што во болница во Неготино му биле констатирани тешки телесни повреди.
„На 17.05.2023 во 19.00 часот во Полициската станица Неготино било пријавено дека на крстосница на ул.„Ленинова“ со ул. „Даме Груев“ во Неготино, В.К.(33) од Неготино управувајќи мотоцикл „јамаха“ без регистарски ознаки, изгубил контрола и удрил во куќа, по што го напуштил местото. По несреќата, во болницата во Неготино на В.К. му биле констатирани тешки телесни повреди“, велат од МВР.
За настанот бил известен Јавен обвинител, а увид на местото на настанот извршила екипа од Полициска станица Неготино.
