Мејсон Гринвуд веќе не е фудбалер на Манчестер Јунајтед, објави англискиот премиерлигаш. Постигнат е договор за спогодбен раскин на договорот.
Младиот англиски фудбалер беше вклучен во скандал за наводно силување, потоа беше ослободен од обвинувањата, но „црвените ѓаволи“, сепак, решија да спроведат интерна истрага по која заклучокот е дека најдобро да се постигне спогодбен раскин на договорот.
Вработени во клубот се закануваа со откази и со штрајк доколку Гринвуд остане дел од Манчестер Јунајтед.
„Врз основа на доказите кои ни беа достапни заклучивме дека материјалот што беше објавен на интернет не ја дава целосната слика и дека Мејсон не ги направил прекршоците за кои беше обвинет, иако Мејсон признава дека направил грешки и дека ја презема одговорноста за нив. Сите инволвирани, како и Мејсон, ја прифаќаат тешкотијата да продолжи во Манчестер Jунајтед и затоа меѓусебно е договорено дека најдобро е да го направи тоа (продолжувањето на кариерата – н.з.) надвор од „Олд Трафорд’“, објави Манчестер Јунајтед.
