Фудбалерите на Реал вечерва во Мадрид од 21 часот го пречекуваат тимот на Манчестер Сити во првиот полуфинален натпревар од Лигата на шампионите.
Реал е актуелен шампион на Европа, а пред три дена го освои и Купот на кралот откако ја совлада Осасуна со 2:1. Клубот од Мадрид е на третото место во поредокот во Ла Лига со 68 бодови.
Манчестер Сити е во одлична форма, а моментално е на првото место на табелата во Премиер лигата со 82 бода.
Реал и Манчестер Сити минатата сезона играа во полуфиналето на Лигата на шампионите. Англискиот клуб победи со 4:3 во првиот меч, а реваншот во Мадрид, го доби Реал со 3:1 по продолженијата и се пласираше во финалето, каде подоцна го победи Ливерпул со 1:0.
Тренерот на Реал, Карло Анчелоти во својата тренерска кариера четири пати го освојуваше трофејот во Лигата на шампионите, два трофеи во кариерата има Манчестер Сити, Пеп Гвардиола.
Реваншот меѓу Реал и Манчестер Сити ќе се одигра за осум дена во Англија.
Милан и Интер утре ќе се сретнат во второто полуфинале во Лигата на шампионите.
