Новоименуваната амбасадорката на Република Северна Македонија во Република Бугарија, Агнеза Руси-Поповска, денес му ги предаде акредитивните писма на претседателот на Република Бугарија, Румен Радев.
По свечената церемонија, како што соопштија од Министерството за надворешни работи, беше одржана протоколарна средба, на која претседателот Радев ѝ посака добредојде на Амбасадорката со желби за успех во мисијата.
Амбасадорката Руси-Поповска се заблагодари за приемот и гостопримството и ја изрази подготвеноста посветено да работи на постигнување на благородните цели на мисијата за кои е назначена.
