Македонија е меѓу најзагадените земји во Европа, со повисоко ниво на загаденост од Србија, Полска, Бугарија, Италија и Романија, а далеку полошо стои од Германија, Франција, Австрија, Словенија и скандинавските држави.
Според најновото глобално рангирање на квалитетот на воздухот, земјата е девета во светот со индекс од 159, зад Индија, Пакистан и Бангладеш, а пред многу густо населени и индустриски земји. Позицијата укажува дека загадувањето не е само временски проблем, туку последица на долгогодишни структурни слабости.
