Македонската кошаркарска репрезентација ги дозна противниците во квалификациите за пласман на Европското првенство кое во 2025 година ќе се одржи Финска, Кипар, Летонија и Полска.
Македонија е сместена во Х-групата заедно со Литванија, Полска и Естонија. Противниците се исклучително тешки, а патот на континенталниот шампионат дополнително го отежнува правилото дека од групите во кои се домаќините на ЕП (во нашиот случај тоа е Полска), две репрезентации ќе изборат пласман на првенството.
Во групите во кои нема селекција која е ко-домаќин на ЕП, пласман на завршниот турнир ќе изборат три репрезентации.
Квалификациите ќе се одржат во три прозорци: од 19 до 27 февруари 2024 година, од 18 до 26 ноември 2024 година и од 17 до 25 февруари 2025 година.
