Македонската младинска репрезентација пропушти предност од 22 поени разлика, но сепак, стигна до 77:66 (12:18, 27:9, 23:15, 15:23) победа над Ирска за обезбедување на четврт-финале на Европското првенство до 20 години, Б-дивизија, каде што ќе се судрат со Велика Британија.
Лошиот почеток на мечот придонесе, Ирците, кои досега имаа само една победа во групната фаза, да ја добијат првата четвртина со 18:12. Но, по ова, Макеонија направи луд пресврт во втората четвртина, доминирајќи за водство од 39:27 на полувреме.
Оваа предност се зголемуваше и во второто полувреме, но кога изгледаше дека мечот е одлучен, Ирците успеаја да се вратат на пет поени разлика (71:64), пред интервенцијата на селекторот Никола Василев да ги врати во реалноста и да ја запечатат победата за прво место во групата А.
Тео Симиќ беше најефикасен со 17 поени, а одличен меч имаше и Амар Хот со 16 поени и 5 скока, додека кај Ирците, Килијан Грибен заврши со 15 поени.
Фото: ФИБА
