Според најновите податоци од Државната изборна комисија, до 17:00 часот во вториот круг од локалните избори на ниво на државата гласале 34,62% од запишаните избирачи.
Најголема излезност е забележана во три општини каде што интересот за гласање е над 60%. Во Општина Конче излезноста изнесува 64,44%, во Росоман 63,58%, а во Дојран 62,9%.
На спротивниот крај од табелата се наоѓаат општините со најмала заинтересираност за гласање. Во Сарај до 17 часот излезноста е само 8,77%, а во Чаир 12,04%.
Во рамки на Град Скопје, највисока излезност бележат општините Карпош со 40,73%, Центар со 39,44% и Аеродром со 36%.
Изборниот ден продолжува мирно и без поголеми инциденти, а избирачките места ќе бидат отворени до 19:00 часот, кога ќе заврши гласањето и ќе започне пребројувањето на гласовите.
