Македонија одигра рамноправен натпревар против фаворизираниот противник, домаќинот добро се намачи за да дојде до победата.
Нашата репрезентација имаше и предност по првото полувреме, водевме со 14-13 пред одморот благодарение на извонредна партија на Митревски кој забележа осум одбрани во тие 30 минути.
Во второто полувреме натпреварот долго беше во егал, сепак финишот им припадна на Хрватите кои преку Срна дојдоа до предност од 26-24, исклучен беше и Лазаревски, па веќе се беше јасно. Во последните моменти двете селекции постигнаа по еден гол за конечни 27-25.
Атанасијевиќ беше најдобар стрелец во нашиот состав со пет голови, Костески постигна четири, Кузмановски и Серафимов по три.
