31-годишен државјанин на Северна Македонија се здобил со тешки телесни повреди откако бил приклештен помеѓу бетонски ѕид и градежна машина – радладер тежок 15,3 тони – во една работна несреќа во Австрија.
Инцидентот се случил во понеделникот, на 17 јуни, околу 19 часот, во кругот на едно претпријатие на територија на општината Едт. Според австриската полиција, несреќата се случила кога машината, управувана од 26-годишен сонародник на повредениот, се приближила премногу блиску до ѕидот, при што ногата на 31-годишниот маж останала приклештена.
Полициските службеници по пристигнувањето на местото на настанот затекнале тешко повреден работник. На лице место му била укажана итна медицинска помош, а потоа бил транспортирaн со хеликоптерот „Мартин 3“ во Ургентната болница во Линц.
Надлежните органи ја истражуваат причината за несреќата, а засега нема информации дали се работи за човечка грешка, технички дефект или пропуст во процедурите за безбедност при работа.
