Утрински Весник
Економија

„Мајкрософт“ треба да плати глоба од 3,3 милиони долари за прекршување санкции

„Мајкрософт“ треба да плати глоба од 3,3 милиони долари за прекршување санкции

Американското Министерство за финансии го казни „Мајкрософт“ со 3,3 милиони долари поради прекршување на санкциите.

dobivaj vesti na viber

„Мајкрософт“ ќе плати казни за повеќе од 1.300 прекршувања на санкциите што САД им ги наметнаа на Куба, Иран, Сирија и на Русија. Прекршувањата вклучуваат извоз на услуги и софтвер, соопшти американското Министерство за финансии.

Тие ги прекршиле санкциите во периодот од 2012 до 2019 година, во повеќето случаи продавајќи услуги и софтвер на руски правни и физички лица на Крим, соопшти Министерството.

„Санкциите беа прекршени, меѓу другото, затоа што не беа собрани сите или точни информации за идентитетот на крајните клиенти на производите на ‘Мајкрософт’“, соопшти Министерството за финансии предупредувајќи на слабости во процесот на проверка на компанијата.

Русија го анектира украинскиот полуостров Крим во 2014 година.

Министерството за финансии на САД забележува дека „Мајкрософт“ признал дека ги прекршил санкциите. Од компанијата велат дека соработувале во истрагата и дека се задоволни од спогодбата.

Можете да прочитате

Во тек е исплатата на правата од социјална и детска заштита

Мицкоски: Обезбедени се средства во Буџетот за линеарното зголемување на пензиите за 2.500 денари

Народна банка: Се зголемува плаќањето со картички и преку мобилни апликации