Пари Сен-Жермен потврдија дека поранешниот шпански селектор и тренер на Барселона, Луис Енрике е замената на Кристоф Галтие, потпишувајќи двегодишен договор со францускиот шампион.
„Пресреќен сум што доаѓам во Париз за ново фудбалско искуство. Возбудливо е да се сретнат нови луѓе, да се живее во овој фантастичен град, да се научи нов јазик и најважно, да се биде тренер на Пари Сен-Жермен“, вели Енрике.
53-годишниот Луис Енрике во својата кариера беше фубалер на Спортинг Хихон, Реал Мадрид и Барселона, за во 2008 да стане Б-тренер на Барелона, пред да се пресели во Рома, па да се врати во Селта Виго, за во 2015 година со Барселона да стигне до историска тројна титула. Тој си замина од Барса во 2017 година, по што од 2018 до јуни 2019, и од ноември 2019 до декември 2022 беше селектор на Шпанија.
🗣💬 Luis Enrique: “I have no doubt that we will have a great team.”#PSGlive I #WelcomeToParisLuisEnrique pic.twitter.com/qIGuUtrBVV
— Paris Saint-Germain (@PSG_English) July 5, 2023
