Во целиот свет Новата година е добредојдена. Први во 2023 година беа жителите на пацифичките држави Самоа и Кирибати, а последни беа Американска Самоа, Хаваи и островите Хауланд.
За прв пат по две години, Лондон ќе биде домаќин на новогодишна забава отворена за јавноста, на која повеќе од 100.000 луѓе со билети ќе можат да присуствуваат на забавата на брегот на Темза.
London getting ready for the New Year fireworks tonight 🎇 pic.twitter.com/fdol0iEDdn
— Deepa (@pdeepa) December 31, 2022
Иако има уште неколку часа до Нова година, луѓето почнаа да се собираат на брегот на Темза спроти Лондонското око, јавува британскиот јавен сервис.
Хонг Конг ја дочека Новата година со прекрасен огномет над пристаништето Викторија, пишува Гардијан.
Половина минута пред полноќ, фасадата на конгресниот и изложбен центар во Хонг Конг се „преобрази“ во голем часовник кој ги одбројува секундите.
Во градот Кезон на Филипините, полноќ беше пречекана со огромни улични прослави.
Руската полиција и членовите на Националната гарда шетаат низ Црвениот плоштад во Москва, затворен за новогодишната ноќ, пишува Гардијан.
