Интегрален текст од соопштение на Левица:
Бидејќи Декларацијата за признавање на државата Палестина повеќе од три месеци е заглавена во надлежната собраниска Комисија, Левица го повикува претседателот на Собранието – Африм Гаши да ја искористи својата деловничка обврска и оваа декларација да се стави на дневен ред конечно.
За Левица е скандалозно што претседателот на Комисијата за надворешна политика и надворешна трговија, Муса Џафери (воедно и пратеник од ДУИ), одбива да ја стави на дневен ред Декларацијата за Палестина, поднесена од пратениците на Левица. Ваквото неделовничко однесување го руши легитимитетот на највисокиот законодавен дом, каде поради нечие самоволие, пратениците, како народни избраници, се лишени од можноста да ги изразат своите ставови.
Согласно собранискиот Деловник, единствено спикерот Африм Гаши има обврска да го одблокира овој процес, како што беше случајот со унгарскиот кредит, каде СДС одбиваше да го стави на дневен ред на комисија, по што експедитивно интервенираше спикерот Гаши и унгарскиот кредит беше експресно усвоен.
Бојкотот на оваа декларација е директно кршење на меѓународните документи кои Република Македонија ги има усвоено, како што е Резолуцијата 194 (усвоена од Генералното собрание на ООН на 10 мај 2024 година) која се однесува на правото на палестинскиот народ на самоопределување и нивното право на независна држава Палестина. Потсетуваме дека претседателот Африм Гаши не може да се крие позади пратеникот Муса Џафери, затоа што во негови раце е деловничката обврска декларацијата да биде ставена на дневен ред на надлежната собраниска комисија.
