Олимпик Марсеј со 2:1 на гостувањето кај Ленс во 34. коло од францускиот шампионат. Ова беше дерби на викендот во Лига 1 со оглед на тоа што Марсеј влезе во натпреварот од второто, аЛенс од третото место. Со оваа победа, Ленс скокна на второто место на табелата во Лига 1.
Секо Фофана го доведе Ленс во водство во 42. минута, кога фантастично погоди од 20 метри. Лоис Опенда го удвои водството во 60. минута. Напаѓачот на Ленс одлично реагираше и со глава ја упати топката во мрежата по центаршутот на Пшемислав Франковски од десната страна.
Конечниот резултат го постави Димитри Паје во 88. минута. Матео Гуендузи освои многу простор, ја додаде топката во просторот за Валентино Ронгје, кој со додавање во средината го пронајде Паје, кој погоди за намалување на негативата. Сепак, тимот на Игор Тудор не успеа да направи повеќе од тоа.
Двата тима до крајот на сезоната ќе одиграат по четири натпревари, што значи дека можат да освојат уште 12 бода, а Ленс сега има два повеќе од Марсеј. Првите два тима од Лига 1 одат директно во Лигата на шампионите, а третопласиранот ќе игра квалификации.
