Лисандро Маринез се повреди на натпреварот помеѓу Манчестер јунајтед и Севиља на „Олд Трафорд“.
Неколку моменти откако Севиља намали на 1-2, Мартинез ја имаше контролата над топката кога наеднаш падна на тревникот.
Менаџерот на тимот, Ерик Тен Хаг, по натпреварот оцени дека повредата е сериозна и шпекулираше дека Јунајтед би можел да биде без негова помош на реваншот од четвртфиналето на Лига Европа во Севилја, каде ќе се обиде 2:2 да ги претвори во пласман во полуфиналето.
Она што ги воодушеви светските медиуми и корисниците на социјалните мрежи е фотографијата направена неколку моменти по повредата на Аргентинецот од Јунајтед и малку пред да биде однесен од стадионот во соблекувалната на носилки.
„Лекција за фер-плеј“, дел од медиумите го опишуваат моментот во кој играчите на Севиља Гонзало Монтиел и Маркос Акуња, инаку соиграчи на Мартинез од аргентинската репрезентација, го носат повредениот пријател надвор од теренот.
