Косовскиот премиер Албин Курти денеска реагираше на настапот на српската премиерка во оставка Ана Брнабиќ на Инвестицискиот самит за Западен Балкан, наведувајќи дека „неговата земја се вика Косово, а не Косово и Метохија“, пренесува „Reporteri.net“. – Србија се менува, а кога велам централна Србија, вторпат го користам овој термин, мислам дека Србија не ја вклучува статистиката за АП Косово и Метохија, која секако ја гледаме како дел од Србија. Тоа е политика, а сега зборуваме за економија – изјави Ана Брнабиќ на самитот во Лондон. На таа изјава на Брнабиќ реагираше Курти и додаде дека неговата земја се вика Република Косово. Според неговите зборови, тогаш можел да зборува за Србија – централна Србија, Војводина, Топлица, Рашка или Прешевската долина.
