Се појавија нови детали од убиството на Томислав Сабљо. За убиството се уапсени две лица, а она што е познато досега е дека убиството не било планирано.
„Вчера чистевме цел ден, а и денес чистиме за да се стави се во ред. Клучното место на злосторството се случило во шанкот кој се наоѓа лево од влезот во главниот дел на клубот, во кој се влегува од фоајето. Сепарињата каде што беше Сабљо со своето друштво се на крајот од клубот спроти влезот. На неколку високи шанк маси и столови се уште се гледа дамка од крв, раскажува жената која во моментот на убиството била во клубот, но во друга просторија. Таа вели дека не ги слушнала смртоносните истрели кои биле испукани недалеку од шанкот поради бучавата од силниот звучник, пишува Слободна Далмација.
– Ништо не видов, тоа и го кажав на полицијата – изјавила кратко таа.
Новинарот од местото на настанот начекал и дупки од куршуми во ѕидовите.
„Томислав Сабљо добил два куршуми додека лежел на подот“, пишува Јутарњи лист, реконструирајќи ја неодамнешната ликвидација во Загреб врз основа на снимките од надзорните камери.
Во понеделник најверојатно ќе биде извршена обдукција на телото на Томислав Сабљо за да се утврдат точните причини за смртта и во каква положба можело да биде телото кога биле испукани четири истрели во градите. Она што засега е непознато, бидејќи полицијата не го споменала во првиот официјален извештај, е точното оружје од кое е пукано и видот на муницијата.
Томислав Сабљо беше застрелан и убиен во саботата околу 4 часот и 40 минути во ноќниот клуб Риц. Телото на Сабљо било на местото на настанот речиси до 14 часот, а полицијата долго време истражувала.
Полицијата излезе со соопштение во кое подетално опиша како се случило убиството.
-Полициските службеници на полициската управа во Загреб ја завршија кривичната истрага против 37-годишен маж поради сомнение за сторено кривично дело убиство и 26-годишен маж поради сомнение дека сторил кривично дело помагање и поттикнување убиство наа штета на 41-годишник, се вели во соопштението.
Томислав Сабљо е стар познаник на полицијата а на пошироката јавност и е познат како обвинет на Ускок и еден од протагонистите на акцијата „Тебра“. Инспекторите од Ускок поднесоа обвинение против Сабљо, обвинувајќи го дека е шеф на криминална група која шверцувала 15,7 тони марихуана во Хрватска, како и дека организирал палење автомобили и подготвувал физички напади врз челниците на Динамо и други луѓе.
