Канаѓанецот со македонско потекло, Крис Павловски, основач и извршен директор на видеоплатформата „Рамбл“ и член на Управниот одбор на „Македонија2025“, објави на социјалните мрежи дека донирал милион денари за семејствата на загинатите и повредените во трагедијата во Кочани.
„Срцето ми чука за сите семејства и пријатели на починатите во Македонија. 59 луѓе загинаа и повеќе од 100 се повредени во пожар, повеќето деца на возраст од 14 до 20 години. Лично донирав милион денари во Црвениот крст на Македонија за поддршка на семејствата и настраданите“, напиша Павловски.
Овој хуман гест доаѓа во момент кога целата земја тагува по жртвите и се мобилизира за помош на семејствата погодени од оваа трагедија.
