Рускиот претседател Владимир Путин вчера го посети западниот руски регион Курск за првпат откако украинските сили зазедоа дел од територијата во регионот.
Путин, облечен во воена униформа, го посети контролниот центар во областа Курск што го користат руските сили, објави руската државна телевизија.
– За волја на вистината, во најкус можен рок треба конечно да го победиме непријателот кој е вкоренет во Курската област и се уште спроведува одбранбени дејствија овде, рече Путин во своето обраќање до рускиот воен врв.
While dressed in a military uniform, Vladimir Putin met with CGS Valery Gerasimov at a command post to discuss the situation in Kursk. Also photographed were generals Alexander Lapin, Sergey Rudskoy, and Yevgeny Nikiforov. https://t.co/4mHwc8MPyEhttps://t.co/CdJ23gEP53 pic.twitter.com/XvfjAHA42G
— Rob Lee (@RALee85) March 12, 2025
Валери Герасимов, началникот на рускиот Генералштаб, го информира претседателот дека украинските сили во областа Курск сега се опколени. – Во тек е нивно систематско уништување, рече Герасимов.
Но, командантот на украинската армија, Олександр Сирски, на Фејсбук објави дека борбите продолжуваат во предградијата на градот Суџа и дека украинските сили ќе продолжат да дејствуваат таму „се додека тоа е неопходно и има смисла“.
