Рускиот претседател Владимир Путин ќе биде главен гостин на настаните по повод одбележувањето на 80-годишнината од победата над милитаристичка Јапонија во Пекинг, вклучувајќи и парада, соопшти денеска помошникот на рускиот лидер, Јуриј Ушаков.
Путин ќе ја посети Кина од 31 август до 3 септември, каде што ќе учествува на самитот на Шангајската организација за соработка (ШОС) во Тјенѓин, а потоа во Пекинг ќе присуствува на воена парада.
– Нашиот претседател на 3 септември, како главен гостин, кинеските претставници тоа на секој можен начин го истакнуваат, ќе присуствува на свечените настани посветени, како што веќе кажав, на 80-годишнината од победата над милитаристичка Јапонија и завршувањето на Втората светска војна, рече Ушаков.
