Утрински Весник
Македонија

Краток интензивен дожд ги поплави улиците во Тетово – вода навлезе и во дворовите

Tetovo poplava.jpg

Појавата на интензивен дожд во текот на претладневните часови на дел од улиците низ Тетово резултираше со краткотрајно поплавени коловози, а водата навлезе и во дворови од куќи и други објекти.

Екипите на Јавното претпријатие за водовод и канализација – „Шар“ интервенираа со чистење на затнати шахти со цел побрзо одлевање на насобраната вода.


„Главна причина останува несовесното фрлање отпадоци, што покрај блокирањето, претставува и ризик од поплави во населбите. Сите имаме улога во зачувувањето на чистотата и функционирањето на јавната инфраструктура“, се вели во информацијата на ЈКП за водовод и канализација – „Шар“.

Од Територијалната против пожарна единица Тетово информираа дека не добиле повик за интервенција по силниот денешен дожд.

Можете да прочитате

Мојсоска: Некомпетентните кадри, корупцијата, „скриј ја пријавата”, партизацијата на институциите убиваат

Филипче од Свети Николе: Со ВМРО-ДПМНЕ, државата целосно ги напушта вредностите на демократијата, еднаквоста и солидарноста

Четири активни пожари низ државата