Бугарската реторика дека на Македонија и следат многу други услови за да ги продолжи преговорите до зачленување во Европската Унија, не сакаше да ги коментира премиерот Димитар Ковачевски. Според него, треба прво да се направи политичка Влада, па потоа, да се коментираат ваквите изјави на бугарските политичари.
„Во Бугарија се водат преговори за да се направи политичка Влада. Откако ќе се направи политичка влада, ќе се коментираат случувањата таму. Ние имаме преговарачка рамка со точни обврски кои треба да ги исполниме и да ги отвориме кластерите за продолжување на преговорите и воспоставување на процес кој ќе нѐ зачлени во ЕУ до 2030 година“, рече Ковачевски.
Во изминатиот период, бугарските политичари посочуваат дека Македонија ја чека трнлив пат, а отворањето на Уставот е најлесното нешто што треба да се направи. Потоа, според дел од нив, ќе следат други условувања.
