Премиерот Димитар Ковачевски се сретна со Кристин Форсгрен Бенгтсон, амбасадорката на Шведска, која го завршува нејзиниот мандат во земјава.
На состанокот е потврдено искреното пријателство помеѓу двете држави и принципиелната соработка којашто се унапредува.
Соопштено е дека продолжува големата поддршка од Шведска за натамошен напредок на нашата држава во евроинтеграциите на Северна Македонија, по почетокот на преговорите, како и во реформите.
Премиерот Ковачевски се заблагодари на амбасадорката Бенгстон за поддршката од Шведска во сите демократски процеси во нашата држава, во реформските процеси значајни за граѓаните, како и на патот на евроинтеграциите.
На состанокот е разговарано и за активностите во рамки на предизвиците во енергетската област, како и за други актуелни прашања од значење за нашата држава, како и за државите од Европа и светот.
