Македонскиот премиер, Димитар Ковачевски изрази сочувство до неговиот грчки колега, Киријакос Мицотакис, за железничката несреќа во која животот го загубија најмалку 36 лица, а над 80 се повредени.
„Сакам да изразам сочувство до премиерот Мицотакис, до грчкиот народ, до семејствата на загинатите за трагичната несреќа што се случи вчера во Грција и да им посакам брзо заздравување на преживеаните во овој трагичен настан“, рече Ковачевски на почетокот на своето обраќање на вториот Економски форум во Скопје.
Во Грција по кобната несреќа прогласена е тродневна жалост, а голем број функционери од Европа и светот испратија пораки со сочувство за трагедијата.
