Министерката за култура во техничката Влада Бисера Костадиновска-Стојчевска, вицепремиерот задолжен за економски прашања и за координација со економските ресори и инвестиции Фатмир Битиќи, директорот на ТАВ констракшнс, Фатин Кан и претставници на Националниот џез оркестар, денеска ќе извршат увид во почетокот на реновирањето на просторот доделен на Националниот џез оркестар.
Адаптацијата на просторот е овозможена со средства од ТАВ програмата и дел од Министерството за култура од каде што е обезбеден и проектот за реновирање.
Просториите со одлука на Владата беа доделени на трајно користење на Националниот џез оркестар. Просториите се наоѓаат во подрумскиот дел на Националната опера и балет (стара Килимара).
